Фильмді ойнату және кадрды түсіріп алу

DPP бағдарламасын үйлесімді камералардағы MOV немесе MP4 фильмдерін ойнату және фильмдерден кадрларды түсіріп алып, JPEG немесе TIFF файлдары етіп сақтау үшін пайдалануға болады.

[Preferences/Таңдаулы параметрлер] терезесінің [General settings/Жалпы параметрлер] қойындысында [Movie file playback/Фильм файлын ойнату] параметрі [Play with Digital Photo Professional 4/Digital Photo Professional 4 бағдарламасымен ойнату] етіп орнатылуы керек.

MOV және MP4 фильмдерін өңдеуге DPP бағдарламасында қолдау көрсетілмейтінін ескеріңіз. RAW фильмдерін ойнату және өңдеу, сондай-ақ фотосуреттерді сақтап алу туралы егжей-тегжейлі мәліметті RAW фильмін ойнату, өңдеу және кадрды түсіріп алу бөлімінен қараңыз.

Ескерту

  • Төмендегі камералардан MP4 фильмдер ойнатылмайды немесе фотосуреттер ретінде сақталмайды.

    • EOS R1, EOS R5 Mark II, EOS R50 V
  • MP4 фильмдерін Apple silicon процессоры бар Mac компьютерлерінде ойнату немесе фотосуреттер ретінде сақтау мүмкін емес.

  1. Фильм нобайын екі рет басыңыз.

    • Алдын ала қарау басқару тақтасы көрсетілмей тұрса, оны экранға шығару үшін [Thumbnails/Нобайлар] мәзірінен [Preview control panel/Алдын ала қарау басқару тақтасы] тармағын таңдаңыз.

  2. Бұл операциялар үшін алдын ала қарау басқару тақтасын пайдаланыңыз.

    1. Ойнату/уақытша тоқтату

      Таңдалған фильмді ойнатыңыз және кідіртіңіз.

    2. Келесі кадр

      Бір кадрға алға жылжытыңыз. Фильмдер кідіртілгенде, бір кадрдан алға жылжытуға болады.

    3. Алдыңғы кадр

      Бір кадрға артқа жылжытыңыз. Фильмдер кідіртілгенде, бір кадрдан артқа жылжытуға болады.

    4. Ойнату уақытының индикаторы

      Ойнату уақытын көрсетеді.

    5. Кадр орнының жүгіргісі

      Фильмдер ойнатылып жатқанда немесе кідіртілген кезде, ойнату позициясын жылжыту үшін жүгіргіні солға немесе оңға сүйреңіз.

    6. Кадр нөмірі/Барлық кадрлар

      Ойнатылып немесе көрсетіліп жатқан фильмдегі ағымдағы кадр нөмірін және кадрлардың жалпы санын көрсетеді.

    7. Дыбысты өшіру/дыбысты қосу

      Дыбыс шығысын іске қосыңыз/ажыратыңыз.

    8. Дыбыс деңгейінің слайдері

      Ойнатылып жатқан фильмнің дыбыс деңгейін реттеу үшін жүгіргіні солға немесе оңға сүйреңіз.

    9. LUT арқылы қарауды қосу/өшіру

      Canon Log немесе Canon Log 3 функциясының көмегімен түсірілген фильмдерде LUT қолданылған режимде көруді қосады немесе ажыратады. Фильмді ойнату кезінде өзгертуге де болады.

    10. Фотосурет етіп сақтау

      Ағымдағы кадрды түсіріп алып, фотосурет етіп сақтайды. [Convert and save/Түрлендіру және сақтау] терезесін () экранға шығару үшін басыңыз, содан кейін қажет параметрлерді реттеңіз де, файлды сақтау үшін [Save/Сақтау] түймесін басыңыз. Ойнату кезінде фотосуреттерді сақтау мүмкін емес екенін ескеріңіз. Фотосуреттерді сақтау үшін фильмдерді кідіртіңіз.

    • Алдын ала қарау басқару тақтасы көрсетілмей тұрса, оны экранға шығару үшін [Thumbnails/Нобайлар] мәзірінен [Preview control panel/Алдын ала қарау басқару тақтасы] тармағын таңдаңыз.

Ескерту

  • Canon Log немесе Canon Log 3 функциясының көмегімен түсірілген MP4 фильмдері ойнату және сақтау алдында sRGB түс кеңістігіне түрлендіріледі.

  • [HDR PQ] параметрі [On/Қосулы] етіп орнатылған күйде түсірілген MP4 фильмдерін Windows жүйесінде HDR PQ режимінде ойнатуға болады. HDR PQ режимінде ойнату үшін компьютеріңіз HDR PQ режимі үшін жүйеге қойылатын талаптарға сай болуы керек.

    HDR PQ режимінде көрсетуді қолдамайтын компьютерлерде немесе macOS жүйесінде бұл фильмдер [Preferences/Таңдаулы параметрлер] мәзіріндегі [HDR assist display (movies)/HDR пішімін көмек арқылы көрсету (фильмдер)] () параметрі негізінде SDR пішімінде көрсетіледі.

    Фотосуреттерінде тек HEIF пішімінде сақтап алуға болатынын ескеріңіз ().

  • [HDR assist display (movies)/HDR пішімін көмек арқылы көрсету (фильм)] функциясымен үйлесімсіз суреттерді көрсеткенде, суреттер HDR дисплей құрылғысында қалай көрсетілетінінің симуляциясын жасайтын SDR пішіміне түрлендіру орындалады.
  • Кей үйлесімді камераларда фильм түсіру барысында фильм файлдарымен бірге сақталатын .THM файлдары жасап шығарылады. Файл нөмірі фильм файлдарынікімен бірдей және түсіру ақпаратын қамтитын бұл файлдар DPP бағдарламасында ойнатылуы үшін фильм файлдарымен бір қалтада сақталуы керек.

Ескертпе

  • Фильмдерді төмендегі терезелерде да ойнатуға болады.

    • Басты терезе (көп бөлімді)
    • Сурет өңдеу терезесі
    • Қашықтан түсіру терезесі (көп бөлімді)
    • Көп функциялы алдын ала қарау терезесі

  • DPP таңдаулы параметрлерінде фильмді ойнату үшін пайдаланылатын қолданбаны стандартты ОЖ қолданбасына немесе EOS MOVIE Utility бағдарламасына өзгертуге болады ().

    EOS MOVIE Utility туралы егжей-тегжейлі мәліметті EOS MOVIE Utility нұсқаулығынан қараңыз.