Бағдарламалық жасақтама

Бағдарламалық жасақтаманы шолу

Бұл бөлімде EOS камераларымен пайдаланылатын бағдарламалық жасақтаманың қысқаша сипаттамасы беріледі. Бағдарламалық жасақтаманы жүктеп алу және орнату үшін Интернет қосылымы керек. Бағдарламалық жасақтаманы Интернет қосылымы жоқ орталарда жүктеп алу немесе орнату мүмкін емес.

  • EOS Utility

    Түсірілген фотосуреттеріңіз бен фильмдеріңізді камерадан қосылған компьютерге тасымалдауыңызға, компьютерден түрлі камера параметрлерін орнатуыңызға және компьютерден қашықтан түсіруіңізге мүмкіндік береді. Сондай-ақ, EOS Sample Music* сияқты фондық музыка жолдарын картаға көшіруіңізге болады.

    Фондық музыканы камерамен ойнатылған видео кескін альбомы, фильм немесе слайд-шоу үшін саундтрек ретінде пайдалануыңызға болады.

  • Digital Photo Professional

    RAW суреттерін түсіретін пайдаланушыларға ұсынылған бағдарламалық жасақтама. Суретті қарауға, өңдеуге, басып шығаруға және т.б. әекеттерді орындауға мүмкіндік береді.

  • Picture Style Editor

    Бар Picture Style файлдарын өңдеуіңізге немесе түпнұсқа Picture Style файлдарын жасап, сақтауыңызға мүмкіндік береді. Бұл бағдарламалық жасақтама сурет өңдеумен таныс пайдаланушыларға арналған.

EOS бағдарламалық жасақтамасын немесе басқа арнайы бағдарламалық жасақтаманы жүктеп алу және орнату

Әрқашан бағдарламалық жасақтаманың ең соңғы нұсқасын орнатыңыз.

Орнатылған кез келген алдыңғы нұсқаларды ең соңғы нұсқамен қайта жазу арқылы оларды жаңартыңыз.

Ескерту

  • Бағдарламалық жасақтаманы орнатпай камераны компьютерге жалғамаңыз. Бағдарламалық жасақтама дұрыс орнатылмайды.
  • Бағдарламалық жасақтаманы компьютер Интернетке қосылмайынша орнату мүмкін емес.
  • Алдыңғы нұсқалар осы камерадан суреттерді дұрыс көрсете алмайды. Сондай-ақ, осы камерадан RAW суреттерін өңдеу мүмкін емес.

  1. Бағдарламалық жасақтаманы жүктеп алыңыз.

    • Интернетке компьютерден қосылыңыз және келесі Canon веб-торабына кіріңіз.

      https://cam.start.canon/

    • Камераның астындағы сериялық нөмірді енгізіңіз, одан кейін бағдарламалық жасақтаманы жүктеп алыңыз.

    • Оны компьютерде мұрағаттан шығарыңыз.

      • Windows үшін

        Орнатқышты іске қосу үшін көрсетілген орнатқыш файлын басыңыз.

      • macOS үшін

        dmg файлы жасалады және көрсетіледі. Орнатқышты іске қосу үшін төмендегі қадамдарды орындаңыз.

        1. dmg файлын екі рет басыңыз.

          • Диск белгішесі мен орнатқыш файлы жұмыс үстелінде пайда болады.

            Орнатқыш файлы пайда болмаса, оны көрсету үшін диск белгішесін екі рет басыңыз.

        2. Орнатқыш файлын екі рет басыңыз.

          • Орнатқыш іске қосылады.

  2. Бағдарламалық жасақтаманы орнату үшін экрандағы нұсқауларды орындаңыз.

Бағдарламалық жасақтаманың нұсқаулығын жүктеп алу

Бағдарламалық жасақтаманың нұсқаулықтарын (PDF файлдары) Canon веб-торабынан компьютерге жүктеп алуға болады.

  • Бағдарламалық жасақтама нұсқаулығын жүктеп алу сайты

    https://cam.start.canon/